صدر وتراي وظهر وباي او صدر وباي وظهر وتراي

معظم اللى بيتمرنوا كمال اجسام بيكون يومهم التدريبى كدا : ( صدر وتراى ) فى يوم و ( ظهر وباى ) فى يوم تانى .
ولكن فى رأى العبد لله ولاعيبة كتير محترفين إن الصدر والباى والظهر زالتراى اسلوب احسن - رغم ان محدش يقدر قول ان العكس غلط او ده اصح من ده - ... المهم دا بقا علشان الاسباب دى :-

1- تمرين العضلة مرتين افضل :

لما بتمرين (صدر/ تراي) مرة واحدة اسبوعيا , بتمرن عضلة التراي مرة واحدة فقط اسبوعيا .  لكن لما بتتمرن (صدر/باي) و (ظهر/تراي) بتقوم بتمرين عضلة التراي مرتين اسبوعيا . مرة عند تمارين الصدر و مرة في يوم ال (ظهر / تراي) . و كمان نفس الكلام لعضلة الباي .

و علشان كدا معظم المحترفين بيقوموا بتمرين (ظهر/باي) و (صدر/تراي) يضطرون الى تمرين يوم زيادة للذراع (باي/تراي)  لزيادة حجمهم .  

2- عضلة التراى بتكون تعبانة بعد تمرين الصدر وكمان الباى بعد الظهر :

لما تقوم بتمرين العقلة او سحب الكابل للمجنص على سبيل المثال ,  عضلة الباي بتشتغل بشكل كبير . و علشان كدا بعد عمل 4 او 5 تمارين للظهر  بتكون عضلة الباي تعبانة جدا . و وبتلاقى صعوبة في (عزلها) بشكل كويس. و بتكون مجبر انك تلخص تمارين الباي فى تمرين واحد او اثنين بسبب التعب .

اما لو قمت بتمارين الباي بعد عضلة الصدر , فعضلة الباي بتكون “فريش” او “مستريحة”  و تقدر تعملها ( عزل )  ب3 او 4 تمارين بقوة و تركيز كبير. نفس الكلام طبعا لعضلة التراي , فعضلة التراي بتحتاج الى 3 او 4 تمارين على الاقل لاستهدافها من جميع الزوايا

ومفيش دراسات بتتكلم فى الموضوع  ده رأى عدد كبير من المحترفين والممارسين . وعلشان تقدر تحكم على الموضوع ده جربه الاول بنفسك و قارن النتائج و التزم بالافضل بالنسبة ليك . او على الاقل اعتبره تغيير لنظامك اللى انت شغال عليه علشان جسمك ميتعودش على حاجة واحدة .